قصيدة: زي ما هنا عليكي
_____________________
بمناسبة إعلان قضاء العسكر في مصر حركة المقاومة الإسلامية حماس منظمة إرهابية
وزي ماهنت عليكي تهوني
ياللي شيلتك في عيوني
بعد ما حررتك ألاقيكي
كل مافيكي صهيوني!
وزي ماهنت عليكي تغوري
ياحطام دولة وشكل ديكوري
هتفنا بعدل وقلنا قصاص!
وانت علينا بتجوري!
وزي ماهنا عليكي خلاص!
انتي موتي الإخلاص!
وهتافنا وكل الثوار!
القصاص القصاص!
وزي ماهنا عليكي فهمنا
ان العسكر دول حاكمينا
واكل خيرنا وبالعافية
وخيرك كده عمره ما حيصيبنا
وزي ماهنا عليكي بفكر
في شباب زي الورد وسكر
جريمتهم كانت هتافاتهم
يسقط يسقط حكم العسكر!
وزي ماهنا عليكي بقولك
انا مارضيت في يوم بذلّك
كان حلمي تعيشي كريمة
من غير حاكم طاغي يشلك!
وحقولهالك هي في جملة
حكام بلدي دولت عملا
هما وباراك وشارون
في الإرهاب طلعوا زملا!
من غير هري وكتر كلام
نظرتي ليكي كات أوهام
دولة شمال مرزوعة فساد
بتعادي فدين الإسلام
شوفي حقولك هي ثواني
احنا بنحلم بزمن تاني
يزرع شرع ويطرح عدل
وكل ما فيكي علماني
#مصر
#حماس_منا_ونحن_منها
ليست هناك تعليقات:
إرسال تعليق
هذا ما لدي.. فماذا ترون؟