الصورة كما نشرتها رويترز
الصورة بعد فبركة الأهرام!!
السلام عليكم
كلنا طبعا يا جماعة تابعنا موضوع المفاوضات (المباشرة) اللي تمت في أمريكا
أوباما حضر وعينه على الانتخابات
ونتنياهو حضر وعينه على شكل حكومته قدام العالم
وهو خسران ايه؟؟
مالاستيطان شغال على ودنه في القدس والضفة!!
وابومازن حضر لأن امريكا قالتله يحضر!!
وبتاع الأردن حضر لأنه بتاعهم (ألقى خطابه بالانجليزي على فكرة)
لكن مبارك حضر ليه؟؟
حضر ليه؟
أما انت غبي يا واد ياحمد!!!
حضر لأن مصر أهم دولة لحماية أمن اسرائيل!!!
لالالالا مش قصدي
وليه كمان يعني
حتخلوني أصدق الكلام اللي بيتقال انه اخد معاه المحروس جمال
وانه فاتح اوباما في الموضوع
بس اوباما شايف ان البنت لسه ضغيرة على الواد
ولازم تصبر شوية ..
انت مشتعجل على ايه يا جيمي!!!
طبعا لوواحد من إخواننا البعدا سمع الكلام ده
حيقول عليه خائن وعميل وأجير ومأجور وكلام كتير كده
بس الكلام ده نقلا عن مسؤول اسرائيلي في هاآرتس
ولم تنفه الحكومة
ولا ننوس عينه .. ولا الحزب الحاكم!!!
ما كل مصر عرفت الخبر
وبيقولو كمان ان جمال ممكن يكون قابل نتنياهو شخصيا
يااااه
والله ولعبت معاك يا جيمي
وعرفت سكة الرئاسة منين
****
وبعدين الكلام ده قاله مستشار الرئيس السابق
ومدير مكتبه
نائب دائرتنا الهمام
مصطفى الفقي
قال
إن رئيس مصر لا بد له من موافقة أمريكا وعدم اعتراض اسرائيل ودعم الجيش
على بلاطة كده
برده حيقولوا علي كداب ومنافق
طيب شوفوا انتوا الصور دي اللي نشرتها وكالة رويترز
ونفس الصورة لما لعبت فيها جريدة الأهرام
مبارك بقدرة قادر بقى من ورا لقدام
لا وايه؟
قدام اوباما نفسه في البيت الأأبيض!!
يعني حتى مش جنبه؟؟؟
دي تبقى حتى قلة ذوق
ولا اقولك
لالالالا
ده غباء والله العظيم
الآن عرفت أن هناك كاذبون أذكياء وكاذبون أغبياء
اسيبكم مع الصور
سلام عليكم
ردحذفبقولك سيبك من الصور والنفاق والخيانة بتاعت مبارك
كل الكلام دة عارفينه
اهم حاجة عندى انك طلعت من دمنهور بلدياتي
عتقولي عرفت ازاى اقولك سهلة جدا لانك قلت نائب دائرتنا مصطفي الفقي
يبقي بلدينا دمنهورى علي طول
كويس ابقي تواصل يازمل بقي
تحياتي
فعلا كاذبون اغبيااااااء
ردحذفشكرا لك لكشفهم ^^
:(
ردحذفلقد أطلقت النار على قديمك يا حاج ..!!
كده أنا فى حل ( بالكسر ) من بوست السواقين يا حاج
و قد أعطس من أفطس
!!!!
الأخ هيثم السايس
ردحذفده شرف ليه والله :-)
صحيح احنا زمايل في نفس الدائرة اللي مخطهاش مصطفى الفق من يوم العنتخابات ماتزورت
لكن برده زمايل
شرفت الكفر وكل سنة وأنت طيب
الأخت أسية اللوحة
ردحذفسعيد جدا بزيارة حضرتك
هو في الحقيقة مش أنا اللي كشفتهم
لكن حبيت نتشلرك هذا الفعل (الغبي) وأعرضه عليكم :-)
نورت الكفر
حبيبي جمعاوي
ردحذفالله يطمنك يا سيدي
ماتحاولش يا هيثم
بوست السواقين بتاعي يعني بتاعي
خاصة بعد موضوع الأح اللي فات
اللهم احفظنا
:-)
نورت
تعبيريه دي زي تكعيبيه وتشكيليه كده في الفنون الجميلة؟؟؟؟؟
ردحذفالله يقطعهم جرسونا مش فضحونا
داه كان ردي على كل من ارسل لي موقع البي بي سي والموقع الفرنسي و المنتديات والفيس بوك والمدونات
بجد شيء شائن
الأخت كلمات من نور
ردحذفالسلام عليكم
فعلا حاجة تكسف
وتقهروالله العظيم
وزير الخارجية التركي يقول أن بلاده ستكون إن شاء الله بحلول عام 2023 (مش 2025 يعني) من أقوى عشر دول في العالم
واحنا كل اللي هامم الرئيس بتاعنا إنه مايسيبش الواد من غير بلد يحكمه
حسبنا الله ونعم الوكيل
على العموم شرفت الكفر
تحياتي
السلام عليكم ورحمة الله وبركاته حضرة العمدة
ردحذفده على رأى محمد صبحى فى مسرحية تخاريف متآمر وغبى
بجد حاجة تكسف .. هو احنا ناقصين فضائح ؟؟ ده احنا منظرنا يكسف فى كل مكان .. وكمان يعملوا العملة السوداء ديه صحيح غذا لم تستح فاصنع ماشئت .. يعنى هى جت على ديه ما التزوير شغال على ودنه خلاص فوتوا لهم ديه كمان بلاش إحراج
ليه تضايق وتغضب وتزعل
ردحذفاضحك .. اضحك .. اضحك
لانك اكيد اكيد فى مصر
كل ما يحالوا ينافقوا مبارك ربنا يشيل و يحط عليه و بدل ما يلمعوه بيفضحوا
ردحذفمش بس مهزلة الصور دى لكن فيه كمان العلم المقلوب اللى عليه صورته يوم العيد فى الجامع اللى صلى فيه..خلوا الاسود فوق عشان عصره اسود
http://www.youm7.com/News.asp?NewsID=278336
وعليكم السلام ورحمة الله وبركاته
ردحذففعلا حضرتك جبتي المشهد اللي كان تايه عن بالي
متآمر وغبي
المصيبة إنهم لا يعتقدوا أنهم متآمرين
وبطبيعة الحال لا يظنوا أنهم أغبياء
صحيح
التزوير خلااااااااااص بقى في دمهم
لدرجة إنهم زوروا ضد بعض في انتخابات الحزب اللي فاتت
ألا وشهادة الزور
ألا وشهادة الزور
ألا وشهادة الزور
تحياتي لحضرتك
و جزاكم الله خيرا
طبعا الرد اللي فات ده كان على تعليق الأخت الفاضلة أنا حرة.. أنا بس نسيت أكتب أول التعليق لأني ذاكرتي باين عليها ضعفت شوية.. معلش يا جماعة اعذروني
ردحذفانتوا عارفين مشاغل الكفر :-)
الأخت مرمر
ردحذفوالله ضحكنا لما عيطنا
هو مش المثل بيقول
شر البلية ما يضحك
لكن بخصوص إن احنا أكيد في مصر
فدي مش عاوزة تفكير طبعا
تحياتي لحضرتك
ونورتي الكفر
الأخت تيرز
ردحذفوالله ربنا يريد أن يفضحهم من حيث لا يحتسبوا
ولولا أناس واعين مثل حضرتككانوا ظلوا بيضحكوا على الناس بأننا في
أزهى عصور الحرية
متشكر جدا على رابط الصورة وياريت لو فيه حاجات زي كده كتير تقوليلنا عليها
تحياتي
الله يتولانا برحمته
ردحذفطبعا انا سعيد جدا جدا جدا
ردحذفلاني ابشركم بسقوط جريده الاهرام " بتاعت الحكومه " عالمياً علي يد الفوتوشوب
يا عيني عليهم يا عمده و الله
أخي كمال
ردحذفالهم آمين
عندك حق :-)
منور
أخي المصوراتي (عيوني كاميرا)
ردحذفأتمنى أن يسقط المزورون وتبقى الجريدة كما كانت
فعلا
يمكنك أن تخدع بعض الناس كل الوقت
ويمكنك أن تخدع كل الناس بعض الوقت
ولكن لا يمكنك أن تخدع كل الناس كل الوقت
ردحذفالسلام عليكم
ماشاء الله
مدونة اكثر من رائعة والله
اردت فقط ان اسجل مروري من هنا
مدونتي هنا
وعليكم السلام ورحمة الله وبركاته
ردحذفنورت أخي عمار
وأسعدنا مرورك الكريم
إن شاء الله تترد الزيارة
تحياتي