الجري نصف الجدعنة.. صحيح.. عالم معفنة!! :-)

-

-

-

-

-

-

-

-

كل سنة وحضراتكم طيبين وبألف صحة وسلامة ويا رب كده لا ينقضي رمضان إلا وقد كتبنا جميعا من المغفور لنا ومن أهل الجنة وقد أعطى الله لكل واحد فينا أمنيته..

-

-

-

البوست المرة دي غريب شوية.. كنت ناوي أحط صورة فانوس وأقول لكم كل سنة وأنتم طيبين.. كنت بفكر كمان أتكلم عن سلوك السائقين في رمضان.. الواحد منهم متهيقلي لو ماتخناقش قبل الفطار ممكن يفتكر إن ربنا مش حيتقبل منه الصيام من غير خناق!!

-

-

-

لكن لفت انتباهي حاجة وأنا بسمع تقرير إلياس كرام (مراسل الجزيرة في القدس).. كان بيتكلم عن لجنة التحقيق الإسرائيلية في موضوع الهجوم على أسطول الحرية الذي كان متجها من تركيا إلى غزة لكسر الحصار..

-

-

-

وبغض النظر عن طبيعة اللجنة وعن الطرمخة اللي حصلت، فإن رئيس الوزراء بنيامين نتنياهو (الصورة اليمنى) مثل أمام اللجنة وأعلن بكل بجاحة:

أنا ماليش دعوة يا بيه.. باراك (وزير الدفاع-الصورة اليسرى) هو المسؤول عن الجيش.. أنا كنت في الحمام ساعتها..

-

-

-

اليوم التالي

راح ايهود باراك لنفس اللجنة وهو منفوخ من نتنياهو.. قرار زي الهجوم على سفينة مدنيين في عرض البحر وقتل ناس أبرياء مش ممكن يتاخد بدون موافقة رئيس الوزراء..

-

-

-

المهم راح باراك اللجنة وهو بيقول نفسي نفسي..

أنا ماليش دعوة يابيه.. أنا صحيح وزير الدفاع بس أنا مش معاهم!!.. رئيس الأركان (جابي أشكنازي) هو اللي أصدر القرار..

-

-

-

وأنا باسمع الكلام ده يوم ورا يوم في النشرة.. قلت صحيح.. الجري نص الجدعنة..

الناس دي الجبن والخيانة في دمهم

حسبي الله ونعم الوكيل

وافتكرت اللمبي وهو بيقول للأهتم في فيلم اللي بالي بالك..

عالم معفنة!!

:-)

تصبحوا على خير