سلام عليكم!
كنت بشوف انبارح أحمد المسلماني (عادي كده وأنا بقلب في القنوات) لاقيته بيتكلم عن
التصريحات اللي أدلى بها الرئيس محمود عباس لرؤساء الصحف المصرية..
طبعا جه في بالي مين هو عباس...
عباس ده هو مهندس اتفاقية أوسلو (بلا فخر)
وعباس ده اللي قال عن صواريخ حماس أنها عبثية!! (أمال اسرائيل بتغتال مهندسيها ليه؟؟)
وعباس ده أخيرا اللي رفض يروح قمة قطر أثناء ضرب غزة وقالهم: لوجيت يبقى انتوا
بتذبحوني من الوريد للوريد!!
أشعر أن الشاعر الكبير أحمد مطر كان ملهما حين ألف قصيدة عباس خلف المتراس!!
المهم.. يقول محمود عباس أن العرب اتفقوا في قمة سرت الليبية الأخيرة على حرب
اسرائيل!!! ولكنهم تراجعوا سريعا!!
ويقول إن الشيخ القرضاوي ما بيفهمش حاجة في الدين!!
وبيقول إن الشيبخ فلان الفلاني بطحه من أول جولة !!
وبيقول إن العرب رصدوا لي 500 مليون دولار بس هم حلقوا لي ( بالنص كده!!!)
وبيقول أخيرا: إنه مش ماسك في السلطة أبدا !! (طبعا واضح) وإنه ساعة اللزوم حخلع!!!
الرئيس الفلسطيني ساعة اللزوم حيخلع!!
هذه هي استراتيجة رام الله في الفترة المقبلة..
ساعة اللزوم نخلع!!
لم أدر لماذا تذكرت الفنان الكبير محمد صبحي وهويقول للفنانة سيمون في مسرحية كارمن
ساخرا من لهجتها وطريقة كلامها أثناء التدريب على الدور:
دي كارمن من القللي!!
وقلت في عقل بالي
ده لو رئيس من القللي مش حيعمل كده!!
ولا رايكم ايه؟
(أنقل إليكم تحيات كل أهل الكفر)
(وأنقل إليه كل لعناتهم!!)
محمد عباس شخصيه لا تخفى حقيقتها على احد
ردحذفعزائنا الوحيد انه مهما طال الليل
فلابد ان تشرق الشمس يوما
وإن طال الانتظار :)
أختي الفاضلة
ردحذفمتشكر لمشاركة حضرتك جدا
وعندكحق في اللي قلتيه
وإن شاء الله لن يطول
عمدة كفر المظاليم
لفت نظرى عنوان المدونه
ردحذفلذا اسرعت بدخوله على الفور
عايزه اقولك ان كل ليل وله اخر
ونحن نتقبل تحيات الكفر كلاته ( كلاته دى بالصعيدى )
وربنا يبعد عننا اللعنات
شكرا ليك
واسعدنى مرورى بمدونتك
نحن جميعا أهل هذا الكفر أسعد بمرور حضرتك هنا :-)
ردحذفوعندك فعلا حق
كل ليل وليه آخره
وكل أهالي الكفر كلاتههم (بالصعيدي برده)
منتظرين هذه اللحظة
شكرا لحضرتك جدا
وجزاكم الله خيرا
صباح الورد
ردحذفدي اول زيارة برضه للمدونة انا زورت المدونة التانية وعجبتني اووي ودي كمان عجبتني كتيييير
انا بجد كل ما اشوف او اسمع او اقرأ حاجة عن فلسطين بحس اني شايله هموم وهموم ومش بعرف انا ساعتها ببقي نفسي ف اية لكني بجد نفسي يهتموت شوية بالاعداء ولا داعي للتربص ببعضهم البعض واقصد كل الدول العربية وليست فلسطيم فقط ويمكن عشان ظروف فلسطين ولكننا نتجاهل ان الفرقه من الداخل اقوي بكثير من الخارج
تحياتي لقلمك وافكارك
عندك حق والله ياحضرة العمدة ياساتر يارب فعلا حاجة تسد النفس ..لكن إذا لم تستح فإصنع ما شئت .. مش عارفة هذا الشخص المثير للشفقة والإشمئزاز ..الخائن لأهله ولقضيتهم التى هى قضيتنا بالطبع كيف يجرؤ على الخروج للإعلام بعد فضائحه الكثيرة من تصريحات مخجلة وأفعال عميلة لكن إيه المشكلة هو ليس بدعا من الزعماء كلهم على شاكلته ولا يستحون فلماذا يستحى هو .. إيه الحكاية ياحضرة العمده هو فيه أزمة رجولة اليومين دول ولا إيه ..طيب ما يسيبوا الستات تحكم شوية على رأى الأخت رحاب صالح يمكن يفلحوا شوية....
ردحذفالسلام عليكم...
الأخت رحاب صالح:
ردحذفأسعدنا مرور حضرتك هنا كما أسعدنا زيارة حضرتك هناك
ولعل هذا دليل على أننا نكتب شيئا يعبر عنكم ولو بشكل يسير وهذا ما نتمناه دائما
طبعا الإنقسام الداخلي هو لب الأزمة.. ولكن الموضوع مش وجهتين نظر مختلفتين..
نحن أمام أناس باعوا القضية مهمتهم الرئيسية تصفية المقاومة.. وهذا واضح جدا من "التعاون والتنسيق الأمني" بين السلطة والصهاينة
وبين أناس قدموا أنفسهم وعوائلهم وأهليهم ثمنا لتحرير الأرض وصيانة العرض والحفاظ على المقدسات (حركات المقاومة)
الغريب حقا أن حماس عندما واجهت اسرائيل وحدها أخرجتها من غزة (أيام شارون) وعندما واجهت عصابات السلطة وحدها أخرجتهم أيضا (الحسم العسكري 2007)
ولكن في الضفة الغربية لا تستطيع حماس ذلك؟
هل هذا لأن اسرائيل تحمي السلطة أم أن السلطة تحمي اسرائيل؟؟
لا أدري
ربما كلاهما معا
تقبلي فائق احترامي أختي الكريمة رحاب
الأخت أنا حرة
ردحذفمشرفة المدونة أختي الفاضة وأنا سعيد جدا بوجود حضرتك المتواصل..
والله يا أختي الموضوع مش أزمة رجولة :-)) لأاني لا أعتبر هؤلاء رجالا بالأساس.. وياما فيه رجالة صفار وفيه ستات بمية راجل.. وفيه رجالة لم تلد النساء مثلهم.. مصر مليانة منهم إن شاء الله..
الغريبة إن حديث "إذا لم تستح فاصنع ما شئت" هو آخر ما نزل من التوراة!!
سبحان الله
تقبلي فائق احترامي أختي الكريمة أنا حرة
اسلوبك فى الكتابة رشيق و شيق
ردحذفتمنياتى بالتوفيق
أختي تيرز
ردحذفمتشكرجدا جدا
وسعداء بمرور حضرتك
يا رب دايما إن شاء الله
تقبلي فائق احترامي
كل عام وانت بخير يا عمدة
ردحذفورمضان كريم
الله أكرم يا ستيتة
ردحذفأسعدتني زيارتك
حبيت أدخل أعلق على البوست الأخير بتاع رمضان
بس مش عارف أضغط على لينك التعليقات
بكرة بقى إن شاء الله
لوحد عندك بيتعلم إنجليزي ابعتيه على المدونة التانية
تقبل الله منا ومنكم
وجزاكم الله خيرا
الأخت ستيتة
ردحذفوأنت بخير إن شاء الله
دخلت أعلق البارحة بس ماعرفتش أضغط على لينك التعليقات عندك
حجرب النهاردة إن شاء الله
تقبل الله منا ومنكم وسعدت جدا بزيارتك
وجزاكم الله خيرا
بص أنا بصراحة كده حمار كبير أوي في السياسة ، يعني معرفش مين عباس ده بس فاكر اني سمعت اسمه كتير و انه حد مهم :)
ردحذفانا بس عجبتني طريقة عرضك للموضوع خصوصا اني انذهلت من طريقة الكلام اللي ممكن شخصية سياسية زي دي تتكلم بيها...
ياكش يولعوا كلهم ف يوم واحد :)
تحياتي ليك يااااا عمدتنا ، و فين اميلك أنتا قولتلي خد إيميلي و مشوفتش حاجة :)
علي كل حال ده اميلي...
super7osny@yahoo.com
ما تتصورش يا حسني أنا سعيد قد ايه بالزيارة دي
ردحذفويا سيدي ما تزعلش.. أنا كما نعلوماتي في الطب النفسي ما تقلش عن معلوماتك في السياسة!!:-)
على العموم إنت نورت المدونة والكفر كله
وإيميلي هو
nassar-vet@hotmail.com
منور والله العظيم :-)